قصيدة رائعة للشاعر الدكتور احمد فرح شادول

أمانى الدنيا

زيك
أبداً ما لاقانى
وما اتعشمت
تطلى زمانى
وتحفرى اسمك فى وجدانى

خايفة
من الأيام .. و أقدارها
وعاملة
حسابك من ادوارها
سيبى
الدنيا تدور محتارة
ونحن نعيش العمر تهانى

شيلى
سماحك ويلا تعالى
نشد
صهوات الأمل الغالى
نهشم
سور الجفوة العالى
وما فى إنسان فى الدنيا يعانى

جيتى
من الآمال منشرحة
و شايلة
معاكى سنين الفرحة
وانا بتأمل
أخدت السرحة
و اتمنيت ما الدنيا امانى

اتمنيتك تبقى معايا
وطبل
الفرحة يدق جوايا
وبين
السحب الماشة و جاية
القى عيونك تتلقانى
و أتمنيت ما الدنيا أمانى ..

» توأم الروح احمد فرح شادول
» الشاعراحمد فرح شادول - اطمئني
» صور رائعة للفنان اسامة الشيخ