الشاعراحمد فرح شادول - اطمئني

إطمئني!!

اطمئنى
ما بقيف
قدام سعادتك
وما بتشوفى الشينة منى..!
وغير اريدك
ما بزيدك
مهما تخفى الريدة عنى..
وبين عنادك
والحقيقة
ضاع معاى عمر التمنى..
لا لقيت
عندك سعادتى
ولا لقيتى الدايرا منى...!!!
اطمئنى …
خايفة
من زول ذاته خايف
من هواكى الما بهنى....
ياما قلبو
على مصيرك
مهما فيك لاقى التجنى...
يوم تكون
الفرحة عندك
ببقى أول زول مهنى...
ولو بايده
تكونى ريده
وبى هواك يصدح يغنى..!!!
اطمئنى …
قلت بيك
يا حلوة افرح
حظك الظالم خذلنى..!!!
وقلت
انسى الريد عشانك
جن هواجسك لاحَقَنِّى …!!!
اطمئنى ....

» توأم الروح احمد فرح شادول
» قصيدة رائعة للشاعر الدكتور احمد فرح شادول